100 డాలర్ల నోటు రద్దు చేసే యోచనలో ఆస్ట్రేలియా

100 డాలర్ల నోటు రద్దు చేసే యోచనలో ఆస్ట్రేలియా

రచన వివేక్ నామ తేది 19/09/2016

నోట్ల రద్దు నిర్ణయం తర్వాత ఇండియాలో పరిస్థితి గురించి వేరే చెప్పక్కర్లేదు. మన కష్టాలు సంగతి పక్కన పెడితే మొన్ననే వెనిజులా దేశం 100 బొలివర్ నోటును రద్దు చేసింది. అక్కడా మన దగ్గర సీనే కనిపిస్తోంది. అయితే తాజాగా అదే బాటలో ఆస్ట్రేలియా కూడా వెళ్లాలని చూస్తోంది. త్వరలో వంద డాలర్ల నోటు రద్దు చేయాలని చూస్తోంది. టాక్స్ ఎగ్గొడుతూ నల్లధనం పోగేసుకుంటున్న వారి ఆటకట్టించాలంటే- ఇదే మార్గమని ఆస్ట్రేలియా భావిస్తోంది. ఈ దెబ్బతో లొసుగుల ద్వారా బ్లాక్ మనీ కట్టలు తెగి బయటకొస్తాయని ఆ దేశ ఆర్ధిక శాఖ చెప్తోంది.
 
ప్రస్తుతానికి ఆస్ట్రేలియాలో 300 మిలియన్ల వంద డాలర్లు చలమాణిలో ఉన్నాయి. మొత్తం కరెన్సీలో 92 శాతం యాభై, వంద డాలర్ల రూపంలోనే ఉంటాయి. అయితే 5 డాలర్ల నోటు కంటే వంద డాలర్ల నోటు కంటే మూడు రెట్లు ఎక్కువగా సర్క్యులేషన్లో ఉంది. దీన్ని బట్టి చెప్పొచ్చు బ్లాక్ మనీ ఏ స్థాయిలో పోగయిందో. టాక్సులు ఎగ్గొట్టి అక్రమంగా సంపాదించుకున్న నల్లధనమంతా ఆ దేశ జీడీపీలో 1.5 శాతం ఉండొచ్చని భావిస్తున్నారు.